კომპანია Altek Corporation–მა შექმნა 12 მეგაფიქსელიანი კამერის მქონე მობილური ტელეფონი სახელწონებით T8680. ის სხვა ამგვარი აპარატებისგან გამოირჩევა 3–ჯერადი ოპტიკური ზუმით.

მოცემული მოდელის ფოტოაპარატული ნაწილი, რომელიც გახლავთ მგრძნობელობით 80–დან 3200 ISO ერთეულამდე, აღჭურვილია ქსენონის განათებით, სახის და ღიმილის ამოცნობის ფუნქციით და გადაღების უამრავი რეჟიმით. გარდა ამისა, ტელეფონის კამერას აქვს სურათების პირდაპირი ბეჭდვის რეჟიმი PictBridge და ვილეოკლიპების VGA გაფართოებით, მაღალი ხარისხის AVI ფორმატში გადაღების შესაძლებლობა.

აპარატი აღჭურვილია 3 დუიმიანი დისფლეით გაფართოებით WQVGA, ბლუთუზით სტერეოპროფილის მხარდაჭერით, TV OUT–ით, რადიოთი და აქსელერომეტრით. აპარატი განკუთვნილია GSM/EDGE (900/1800/1900 Mhz) ქსელებში სამუშაოდ, აქვს შემდეგი გაბარიტები: 113,5–52–16,6 მილიმეტრი და იწონის 135 გრამს. რაც შეეხება მუშაობის ხანგრძლივობას, ლოდინის რეჟიმში ტელეფონს დაუმუხტავად შეუძლია გაძლოს 350 საათი, ხოლო საუბრის რეჟიმში – 4 საათი.

ივარაუდება, რომ ჩინეთის მაღაზიების თაროებზე აპარატი აგვისტოს ბოლოს დაიდება 308 ევროდ. სხვა ქვეყნებში გაყიდვების შესახებ ჯერჯერობით საუბარი არ არის.